[últ. rev.: 29/04/2025]

Transcripció paleogràfica Xanela de paráfrases

Següent

829 [= RM 120,53]
Vistes, madr’, o que dizia
Pero da Ponte

Vistes, madr’, o que dizia

que por mí era coitado?

Pois mandado non m’envia,

entend’eu do perjurado

que ja non teme mia ira,

ca, se non, noite nen dia,

a meos de meu mandado,

nunca s’el d’aqui partira.

E vistes u s’el partia

de mí mui sen o meu grado

e jurando que avia

por mí penas e cuidado?

Tod’andava con mentira,

ca, se [non, noite nen dia,

a meos de meu mandado,

nunca s’el d’aqui partira].

E ja qual molher devi’a

creer per nulh’ome nado?

Pois o que assi morria

polo meu bon gasalhado

ja xi por outra sospira,

ca, se [non, noite nen dia,

a meos de meu mandado

nunca s’el d’aqui partira].

Mais, Deus, quen o cuidaria:

d’el viver tan alongado

d’u el os meus olhos vira!

Manuscrits

B 832, V 418

Edicions

I. Edicións críticas: Nunes (1973 [1928]: 216-217); Panunzio (1992 [1967]: 63-64 [= LPGP 792-793]); Cohen (2003: 291); Littera (2016: II, 281-282).
II. Outras edicións: Monaci (1875: 157); Braga (1878: 79); Machado & Machado (1953: IV, 145-146); Fernández Pousa (1956: 804); Juárez Blanquer (1988: 61-62).
III. Antoloxías: Cidade (1941: 58-59); Mongelli & Maleval & Vieira (1995: 94); Ferreiro & Martínez Pereiro (1996a: 197).

Variants manuscrites

9 partia] parcia B 17 ja] ya BV; qual] q̅l V 18 nado] mado B 19 morria] moiria B

Variants editorials

7 a meos de] a meus de Panunzio 12 por] per Panunzio 15 a meos de] a meus de Panunzio 17-18 devi’a / creer] devia / creer Nunes, Panunzio, Cohen, Littera 21 xi] x’i Littera; por] per Panunzio 23 a meos de] a meus de Panunzio 25 quen o] quen no Nunes

Paràfrasi

(I) Vistes, madre, o que dicía que estaba por min coitado? Pois non me envía recado, entendo eu do perxuro que xa non teme a miña ira, porque, se non, nin de noite nin de día, a non ser que o mandase eu, nunca de aquí se iría.

(II) E vistes cando se ía do meu lado contra a miña vontade e xurando que por min sufría penas e aflición? Todo era mentira, porque, se non, nin de noite nin de día, a non ser que o mandase eu, nunca de aquí se iría.

(III) E por que motivo debería muller crer a home ningún? O que así morría polo meu pracer xa suspira por outra, porque, se non, nin de noite nin de día, a non ser que o mandase eu, nunca de aquí se iría.

(1) Mais, Deus, quen o pensaría: vivir el tan afastado de onde puidese ver os meus ollos!

Mètrica

Esquema métrico: 3 x 7’a 7’b 7’a 7’b 7’c 7’A 7’B 7’C + 7'a 7'b 7'c (= RM 96:1)

Notes

Text

7
A expresión contida neste verso debía ser frecuente no período medieval:

Et mandou a Pero Bermudes tomar a syna et castigouo com̃o fezesse cõ ela, et que se nõ mouese cõ ela meos do seu mandado (Crónica Geral Galega; Lorenzo 1975: I, 426).
17
En ningunha das edicións precedentes se segmentou a preposición a na perífrase verbal dever + a + infinitivo; no entanto, a interpretación das secuencias do tipo <deuia>, <auia>, <ouuera> + infinitivo como devi’a, avi’a, ouver’a + infinitivo vén determinada non só polo feito de a presenza da preposición a ser maioritaria nestas perífrases (véxase Glosario, s.v. aver, dever), mais tamén pola concorrencia das leccións <deuia> A / <deuia a> B (128.22 e 28, 386.13), <ouuera> A / <ouu’a a> B (70.13) ~ <ouuera a> B (129.23), que indican a real crase coa preposición nas leccións de un dos testemuños manuscritos.
20
O substantivo gasalhado, en xeral coa acepción de ‘pracer (compartido)’ (véxase nota a 1192.13), é voz utilizada preferentemente en cantigas de amigo: fóra deste xénero só volta aparecer en 466.24 e 1487.15.
21
No pronome xi, variante fonética de xe (cfr. me/mi, che/chi, te/ti, lhe/lhi se/si), Littera segmentou o adverbio i (x’i).

Cercar

No s'ha trobat cap resultat

829 [= RM 120,53]Vistes, madr’, o que diziaPero da Ponte