I. Edicións críticas: Nunes (1973 [1928]: 238 [= LPGP 856]); Calderón Calderón (1996: 335); Cohen (2003: 322); Littera (2016: II, 395); Eirín (2025: 10).
II. Outras edicións: Monaci (1875: 184); Braga (1878: 96); Machado & Machado (1953: IV, 277)10
2 se verria] Seueria B : senema V 3 Verrei] querey B : querrey V; cedo] redo B : pedo V 5 madrey einen mey grā medo(*) V
4 suia] soia Nunes 5 ei én ben mui] ei eu ben muy Calderón Calderón : ei end’ eu mui Cohen : hei eu bem mui Littera
(I) Ao meu amigo, cando se ía, pregunteille se viría; (e) el díxome: «Hei vir moi cedo». (E) de que tarde máis do que adoitaba, madre, diso teño moito medo.
Esquema métrico: 7’a 7’a 7’b 7’a 7’b (= RM 33:18)
Encontros vocálicos: 4 su·i·a
Como os demais editores precedentes, corriximos a lección dos apógrafos italianos querey B : querrey V en verrei, atendendo ás esixencias semánticas da cantiga. O erro, que se remonta ao antecedente de BV, pode deberse a unha trivialización do copista (lectio facilior).
A variante suia (< soia) semella apuntar ao carácter bisilábico de soía nalgúns contextos trobadorescos (20.11, 58.12, 1197.29), e acha correspondencia na súa frecuente ocorrencia en textos prosísticos (desde textos tabeliónicos galegos até a Crónica Geral d’Espanha de 1344 ou as crónicas de Fernão Lopes), con grafías diversas: suia, suya, suhya... (véxase CGPA, s.v.).
Acollemos o texto subministrado pola copia do Cancioneiro da Biblioteca Nacional, que presenta un superlativo reforzado con ben, construción que se pode documentar tamén en 1237.6 (outrossi ben mui rafece molher).
Utilizamos cookies de terceiros con fins analíticos para poder coñecer os hábitos de navegación (por exemplo, páxinas visitadas). Lembre que, se aceptar cookies de terceiros, terá de as excluír das opcións do seu navegador ou do sistema ofrecido por terceiros.
Clique no botón correspondente para aceptar ou rexeitar as cookies:
Anterior
