I. Edicións críticas: Nunes (1973 [1928]: 252-253 [= LPGP 934]); Cohen (2003: 340); Pousada Cruz (2015: 190-191); Littera (2016: II, 499).
II. Outras edicións: Monaci (1875: 191); Braga (1878: 100-101); Machado & Machado (1953: IV, 307); Vieira & Morán Cabanas & Souto Cabo (2015: 161).
III. Antoloxías: Ferreiro & Martínez Pereiro (1996a: 232); Arias Freixedo (2003: 850-851); Souto Cabo (2017: 241).
2 meu] men B 4 i] lhy V 8 morrerá] moirera B 9 vi-o eu] uyueu B : uyuen V 10 morrer] moirer B 11 era] era e V 13 Meu] Men BV 17 era] era o V
4 i] lh’i Pousada Cruz 16 m’én] me Nunes
(I) O outro día, en San Salvador, vin o meu amigo, que me ama moito, e nunca houbo muller máis coitada do que o fun eu, segundo creo, pensando, amiga, en que era melhor: se o matar ou se lle facer ben.
(II) El está tan coitado de amor por min que morrerá se non obtén o meu ben; e eu vino alí e –como vos diría?– houben morrer por iso, pensando, amiga, en que era melhor: se o matar ou se lle facer ben.
(III) Meu é o poder, pois son dona de facer del o que a min me praza; mais el estivo alí tan coitado que non me foi necesario iso para nada, desde que o vin, pensando, amiga, en que era melhor: se o matar ou se lle facer ben.
Esquema métrico: 3 x 10a 10b 10b 10c 10A 10C (= RM 183:9)
Encontros vocálicos: 10 ouvi‿a
San Salvador probabelmente se refira ao santuario de San Salvador de Bastavales, no concello de Brión, ben próximo a Santiago de Compostela (Souto Cabo 2012b: 780-781).
Por causa da existencia de contextos similares, Pousada Cruz decidiuse pola lección de V (e nunca máis coitada foi molher / do que eu lh’i fui), certamente posíbel; con todo, e para alén da prioridade que concedemos a B, nótese como a referencia espacial aparece sen pronome asociado no v. 9 (e vi-o eu ali) e, sobre todo, no v. 15 (mais foi i tan coitado).
A frase formularia aseverativa segundo meu sén é frecuente no corpus (415.29, 487.2, 944.8, 1063.8, 1110.7, 1172.5, 1183.2, 1583.3). Para fórmulas similares véxase nota a 65.3, 228.8, 230.10.
Os dous manuscritos que transmitiron a cantiga presentan a lección errada <uyu> en vez do necesario vi-o, por razóns sintácticas e métricas.
Nótese como no Cancioneiro da Vaticana aparece no verso do refrán da estrofa II, así como no v. 17 (estrofa III), un espurio artigo (*qual era o melhor), que sería estraño na expresión e excedente na medida do verso.
Aínda que a lección <coitado> está presente nos dous manuscritos, debe ser considerada a posibilidade dun erro por <coitada>, de modo a pasaxe cadraría mellor co refrán e co resto da cantiga, pois a voz poética feminina está a falar de que non hai no mundo outra muller tan coitada coma ela. Manteríase así o paralelismo conceptual coas outras estrofas (vv. 4-5 e v. 10). Se así for, a forma verbal foi sería P1, pois o suxeito sería a propia muller que fala.
This site uses third-party cookies for analytical purposes to help us track and monitor how users navigate the site (e.g. which pages they visit). Remember that if you accept third-party cookies, you should delete them from your browser options or from the system provided by the third party in question.
Click below to accept or to edit your cookie settings.
Previous
