(I) Eu non vou orar a San Clemenzo e fago moi ben, pois el non me tira a pena que traio no corazón, nin me trae o meu amigo, aínda que llo rogo e llo digo. 

(II) Eu non vou a San Clemenzo, nin el se lembra de min nin me trae o meu amigo, que amei sempre desde que o vin, nin me trae o meu amigo, aínda que llo rogo e llo digo.

(III) Pois, se el me trouxese aquel que me fai andar penada, nunca tantos cirios arderan ante o seu altar, nin me trae o meu amigo, aínda que llo rogo e llo digo. 

(IV) Pois, se el me trouxese aquel por quen morro de amor, nunca tantas candeas arderan ante o meu Señor, nin me trae o meu amigo, aínda que llo rogo e llo digo. 

(V) Pois eu e a miña vontade de o non ver son firmes, por caridade, que porei ante el? Candeas de París? Nin me trae o meu amigo, aínda que llo rogo e llo digo. 

(VI) En me quitar o meu amigo porfía comigo, por iso arderá ante el, como vos digo, lume de vela. Nin me trae o meu amigo, aínda que llo rogo e llo digo.