(I) Moito esperei eu polo ben da miña señora e ela nunca me quixo facer ben, e non vexo outra saída agás morrer, xa que ela non me auxilia nin o seu amor; mais Deus, que sabe ben que é así, despois de eu morrer, demándello por min.
(II) Servina sempre moi de corazón mentres puiden, segundo o meu parecer, e ela nunca me quixo facer ben, e eu non teño outra saída senón morrer; mais Deus, que sabe ben que é así, despois de eu morrer, demándello por min.
(III) Sempre a servín e non me interesei por outra cousa desde que a vin e sempre pensei recibir algún ben dela, mais vexo e sei que aí me espera a morte, xa que (ela) non me auxilia; mais Deus, que sabe ben que é así, despois de eu morrer, demándello por min.