(I) Moito desexo eu ver a miña señora, aínda que sei que, cando estea diante dela, non lle hei dicir nada de como eu hoxe me sentiría satisfeito, e (o que lle dixese) acaeríalle ben a ela.

(II) Morro por vela e por servila, embora saiba que, despois de me ver ante ela, non lle hei dicir nada de como eu hoxe podería vivir, e (o que lle dixese) acaeríalle ben a ela.

(III) Se lle dixese outra cousa non me diría que non, mais da gran coita do meu corazón non lle hei dicir nada do que eu lle diría de forma razoada, e (o que lle dixese) acaeríalle ben a ela.

(IV) Aínda que sinto un gran desexo de lle falar cando a vexo, por lle non causar pesar, non lle hei dicir nada de como eu podería andar ledo, e (o que lle dixese) acaeríalle ben a ela.