(I) Comendador, cando eu me fun de onda vós e vos encomendei a miña muller, por todo o amor con que eu sei que a tratastes, oxalá teñades, comendador, unha encomenda do Demo maior.
(II) Porque moi ben a servistes, nunca volo poderei agradecer; mais xa que vós cumpristes canto ela desexou, oxalá teñades vós, comendador, unha encomenda do Demo maior.
(III) E quérovos dicir unha cousa: ela considérase moi ben servida por vós, e xa que vos quere tan ben como me quere a min ou mellor, oxalá teñades vós, comendador, unha encomenda do Demo maior.