(I) Amigo, tedes queixa de min porque non falo convosco, e, polo que vos eu coñezo, non sabedes nada de canto mal, amigo, sufro se falardes comigo, (II) nin de como un día fun ameazada pola ida, que fun onda vós, e ferida: vós diso non sabedes nada, de canto mal, amigo, sufro se falardes comigo.

(III) Así que tiverdes noticias do moito e excesivo mal que me fan, se vos vexo, entón teredes aprecio de canto mal, amigo, sufro se falardes comigo.

(IV) Aínda que, se vós quixerdes que vos fale e que vos vexa, nin pensedes sequera que iso sexa posíbel se vós antes non tiverdes coñecemento de canto mal, amigo, sufro se falardes comigo.