[últ. rev.: 21/11/2024]

Transcripció paleogràfica Xanela de paráfrases

Següent

219 [= RM 43,12]
Quan muit’eu am’ũa moller
Fernan Garcia Esgaravunha

Quan muit’eu am’ũa moller

non o sabe Nostro Sennor,

nen ar sabe quan gran pavor

ei oj’eu dela, cuido-m’eu,

ca, se o soubesse, sei eu

ca se doeria de mí

e non me faria assi

querer ben a que me mal quer.

Pero que dizen que negar

non xe lle pode nulla ren

que El non sábia, sei eu ben

que aind’El non sabe qual

ben ll’eu quero nen sab’o mal

que m’ela por sí faz aver,

ca, se o soubesse, doer-

-s’-ia de mí, a meu coidar,

ca Deus de tal coraçon é

que, tanto que sabe que ten

eno seu mui gran coita alguen,

que logo ll’i consello pon;

e por esto sei eu que non

sab’El a coita que eu ei,

nen eu nunca o creerei

por aquesto, per bõa fe.

Manuscrits

A 119, B 235

Edicions

I. Edicións críticas: Michaëlis (1990 [1904]: I, 247-248); Spampinato Beretta (1987: 96-97 [= LPGP 295]); Littera (2016: I, 320-321).
II. Outras edicións: Molteni (1880: 100-101); Carter (2007 [1941]: 72-73); Marques Braga (1945: 229-230); Machado & Machado (1949: I, 382-383); Arbor Aldea (2016b); Rios Milhám (2018a: II, 219).
III. Antoloxías: Piccolo (1951: 76-77); Ferreiro & Martínez Pereiro (1996b: 63).

Variants manuscrites

1 Quan] uan A 3 nen ar sabe] (nen ar sabe) / nr̄o sennor) ne ar sabe A 6 mí] min A 7 me] mj B 8 que me] quen mj B 10 lle] lhi B 12 aind’El] antdael B 16 mí] mj̄ B; coidar] cuydar B 19 coita alguen] cuytalguē B 23 o] a B

Variants editorials

2 non no] non o Spampinato Beretta : non’o Littera 8 que] quem Littera 16 coidar] cuidar Michaëlis, Littera 19 coita] coit(a) Michaëlis : coit’ Spampinato Beretta, Littera 20 que] om. Littera; ll’i] lli Spampinato Beretta : lhi Littera

Paràfrasi

(I) Canto eu amo amo unha muller non o sabe Noso Señor, nin tampouco sabe canto pavor teño hoxe eu dela, penso eu, porque, se o soubese, eu sei que se apiadaría de min e non me faría así querer ben a quen me quere mal.

(II) Aínda que din que non se lle pode ocultar ningunha cousa que El non saiba, eu ben sei que aínda El non sabe o ben que eu lle quero nin sabe o mal que me ela fai ter por si, porque, se o soubese, apiadaríase de min, segundo eu penso, (III) porque Deus é de tal corazón que, cando sabe que alguén sofre gran coita no seu, logo alí lle pon remedio; e por isto sei eu que non sabe El a coita que eu teño, nin eu iso crerei nunca, certamente.

Mètrica

Esquema métrico: 3 x 8a 8b 8b 8c 8c 8d 8d 8a (= RM 200:1)

Encontros vocálicos: 11 sá·bia; 19 coita‿alguen

Notes

Text

4
Cuido-m’eu ~ coido-m'eu constitúe unha frase formularia aseverativa que é utilizada con bastante frecuencia no corpus (36.10, 114.18, 115.17, 219.4, 1019.18, 1368.11, 1611.19 e 1626.5), converténdose así nunha alternativa a expresións como a meu cuidar, segundo meu sén etc.
15-16
Eis outro exemplo de tmese métrica no corpus profano, en que o poeta estabelece un corte entre a base verbal dunha forma futura (pospretérito) con pronome mesoclítico, que pasa, xunto coa desinencia, para o verso seguinte. Tal segmentación versal é tamén presente en 14.25-26, 36.6-7, 47.19-20, 308.11-12, 1138.13-14, 1476.3-4, 1538.15-16 e 1637.10-11. Cfr. notas a 37.18-19, 123.24-25, 482.1-2, 1542.3-4.
18-20
A conxunción consecutiva que reitérase tras o período parentético:

ca Deus de tal coraçon é
que, tanto que sabe que ten
eno seu mui gran coita alguen,
que logo ll’i consello pon
19
O posesivo seu refírese a coraçon (v. 17): ten / eno seu (coraçon) mui gran coita...

Cercar

No s'ha trobat cap resultat

219 [= RM 43,12]Quan muit’eu am’ũa mollerFernan Garcia Esgaravunha