451 [= RM 18,2]

Ai eu, coitada, como vivo en gran cuidado

Afonso X

Notas

Texto

• *

  Esta breve cantiga de amigo (moitas veces atribuída a Sancho I) foi disposta historicamente de modos diferentes.
  Eis a proposta de Michaëlis (1990: II, 593-594, e 2004: 468)¹ :
            Ay eu, coitada,   como vivo
            en gran cuidado   por meu amigo,
            que ei alongado!   muito me tarda
            o meu amigo   na Guarda.

            Ay eu, coitada,   como vivo
            en gran desejo   por meu amigo,
            que tarda e non vejo!   Muito me tarda
            o meu amigo   na Guarda.
  Por súa parte, en Nunes a composición presenta unha outra distribución dos versos:
            Ai eu, coitada!
            Como vivo en gram cuidado
            por meu amigo,
            que ei alongado!
            Muito me tarda
            o meu amigo na Guarda!

            Ai eu, coitada!
            Como vivo en gram desejo
            por meu amigo,
            que tarda e non vejo!
            Muito me tarda
            o meu amigo na Guarda!

• 1

  A emenda de <ei> non ofrece dúbidas, non só polo sentido mais tamén pola rúbrica que, con man de Colocci, aparece copiada no folio anterior a aquel que recolle o texto da cantiga. O final da rúbrica indica a lectura certa: E diz ai eu coitada como uiue.

• 4

  Paredes interpreta Guarda como o nome común (guarda) en vez de o considerar como topónimo (a cidade portuguesa da Guarda, na Beira Alta). Con todo, guarda funciona como unha voz ambigua, talvez propositadamente, de xeito que pode entenderse como nome común, referido á actividade militar do amigo, e como nome propio referido á cidade portuguesa.